Endamálið hjá Vesturvón er at veita borgarum við tørvi á hjálp eina samskipaða heildartænastu. Vesturvón heldur til á heiminum á Sýnini, og fevnir um heimahjálp, sjúkrarøkt, umlætting, rehabilitering, terapeutiskar venjingar, matartænastu og dagtilboð. 

Vesturvón virkar fyri:

– at fyribyrgja sjúku,

– at stimbra sálarligu og likamligu heilsu og trivnað borgarans,

– at endurmenna mistan førleika,

– at stimbra møguleika hins einstaka at klára seg sjálvan,

– at veita røkt og umsorgan.

Avgerðir um tænastur og tilboð skulu vera grundaðar á fakliga tørvsmeting.

Avgerðirnar skulu tryggja, at borgarin við størsta tørvi á persónligari hjálp, røkt ella stuðli fær í boði eitt samskipað heildartilboð.

Vitja heimasíðuna hjá Vesturvón á www.vesturvon.fo.

Tænastan er opin hvønn týsdag frá kl.15.00-18.00 í Sørvágs skúla.

Undirhúsið er opið hvønn fríggjadag kl.10.00-12.00 í Marghøllini, í Sørvágs skúla.

Sambært viðtøkunum fyri Eldraráðið í Vágum samtyktar á stýrisfundi 24. august 2016, hevur stýrið fyri Heimatænastuna í Vágum fyribils avgjørt, at nevndin í Vága Pensjónistafelag virkar sum Eldraráð.

Um uppgávurnar hjá Eldraráðnum siga viðtøkurnar:

• Eldraráðið ráðgevur Stýrinum fyri Heimatænastuna í øllum eldrapolitiskum spurningum og er bindilið millum teir eldru borgararnar og kommunurnar.
• Eldraráðið kemur við hugskotum og virkar fyri, at vitan og royndir hjá teimum gomlu verða virðismett og gagnnýtt.
   

Eldraráðið kann:

• Úttala seg um eitthvørt evni, sum hevur áhuga hjá teimum gomlu
• Koma við hugskotum og uppskotum
• Seta spurningar um eldrapolitikkin og fíggjarætlanina
   

Heimildin at seta eldraráð í kommununum er í lógini um heimatænastu, eldrarøkt v.m. frá apríl 2014, har ábyrgdin av virksemi eftir lógini nú er hjá kommununum.

Millum skyldurnar hjá kommunum sambært lógini eru eftir § 6, stk. 1 og 2:

• Kommunurnar skulu tryggja, at borgarar í størst møguligan mun hava møguleika at verða hoyrdir, tá týðandi umskipanir, bygnaðarbroytingar o.t. verða framdar, sum hava ávirkan á tænastuna í økinum.
• Kommunurnar kunnu seta á stovn eldraráð í økinum, sum verða tikin við upp á ráð, tá avgerðir og umskipanir innan økið skulu fremjast.
   

Nevndin í Eldraráðnum:

Thurid Olsen, forkvinna og kassameistari, tlf. 221432, t-post: thurid56olsen@gmail.com

Finnbogi Niclasen, næstformaður

David Johannesen, skrivari

Malan Helgadóttir, nevndarlimur

Sámal Jákup Jørgensen, nevndarlimur

Anna Sofía Nordendal, nevndarlimur

Michael Gram, nevndarlimur

Tiltakslimir: Ketty Kurotsuchi, Anny Poulsen og Sigga Johannesen.