Fólk verða biðin um at halda seg burtur frá venjingarøkinum, nú Vága Floghavn og løgreglan boða frá, at ein stór venjing júst er byrjað við Bíggjarvegin í Sørvági. 

Eisini verða fólk biðin um at vísa varsemi á vegastrekkinum frá Bíggjarvegnum niðan til Vatnsoyrar, har nógv ferðsla verður við akførum sum luttaka í venjingini.

Í samband við venjingina er Bíggjarvegurin stongdur á strekkinum frá Skúlavegi í Sørvági til Bíggjar í tíðarskeiðnum frá kl. 16.45 til 19.30, og meðan venjingin er í gongd.