Møtt vóru:
- Sune Jacobsen
- Thordis Skaalum
- Erik Davidsen
- Nancy Selfoss
- Jákup Suni Lauritsen
- Jóhan á Ørg
- Herálvur Jacobsen
Umframt: Sunrid Rasmussen, skr.
Til viðgerðar:
- Uppnormering av starvsfólkaorkuni í Alvalon, Barnaverndartænastan
- Frágreiðing við roknskapi, Sørvágs Bókasavn
- Keyp av matr. nr. 148y, Frits Heðin Jacobsen
- Keyp av matr. nr. 287c, Edvard Niclasen
- Keyp av matr. nr. 287d, Dánjal, Kára og Jørgen Niclasen
- Keyp av 1673 m2 av matr. nr. 234, Hervør Niclasen
- Søla av 549 m2 av matr. nr. 272a, Sø. komm
- Ums. um stuðul til grundøki, bogaskjótafelagið VágaSkot
- Eykajáttan til vatnleiðing
- Skriv frá Agenda 21
- Ums. um byggiloyvi til bilhús á matr. nr. 117c, Axel Poulsen
- Ums. um byggiloyvi til rætt/seyðahús, Sunnari Suðurtriðingur
- Ums. um sundurbýti av matr. nr. 234, Hervør Niclasen
- Ums. um sundurbýti av matr. nr. 272a, Sørvágs kommuna
- Ums. um broytan av byggiloyvi á matr. nr. 406c, Jógvan A. Petersen
- Ums. um byggiloyvi til sethús á matr. nr. 253f, Barbara/Hugin Skaalum
- Skriv frá Andrias Berglíð, viðv. vegi oman til sethús á matr. nr. 151a
- Ymiskt.
Viðv. 1.Uppnormering av starvsfólkaorkuni í Alvalon, Barnaverndartænastan
Vísandi til skriv frá Barnaverndartænastuni dagfest 15.februar 2010 um uppnormering av starvsfólkaorkuni í Alvalon, mælir Trivnaðarnevndin til at játta at starvsfólkaorkan í Alvalon verður økt samsvarandi tilmælinum frá Barnaverndartænastuni.
Fíggjarnevndin tekur undir við tilmælinum frá Trivnaðarnevndini
Bygdaráðiðð samtykti at fylgja tilmælinum frá Trivnaðar- og Fíggjarnevndini
Viðv. 2. Frágreiðing við roknskapi, Sørvágs Bókasavn
Fíggjarnevndin mælir til at góðkenna frágreiðingina við roknskapinum fyri 2009 hjá Sørvágs Bókasavn.
Bygdaráðið samtykti at fylgja tilmælinum frá Fíggjarnevndini.
Viðv. 3. Keyp av matr. nr. 148y.
Fíggjarnevndin mælir til at keypa matr. nr. 148y aftur frá Frits Heðin Jacobsen fyri kr. 92.200,-.
Peningurin verður at taka av konto 6.22.11 Byggibúning
Bygdaráðið samtykti at fylgja tilmælinum frá Fíggjarnevndini
Viðv. 4. og 5. Keyp av matr. nr. 287c, Edvard Niclasen og 287d Dánjal, Kára og Jørgen Niclasen
Í samband við sethúsaútstykkingina í Billubønum mælir Fíggjarnevndin til, at kommunan keypir matr. nr. 287c frá Edvard Niclasen fyri kr. 46.725 og matr. nr. 287d fyri kr.196.245 frá Dánjal, Jørgen og Káru Niclasen.
Peningurin verður at taka av konto 6.22.11 Byggibúning.
Bygdaráðið samtykti at fylgja tilmælinum frá Fíggjarnevndini.
Viðv. 6. og 7. Keyp av 1673 m2 av matr. nr. 234, Hervør Niclasen
Fíggjarnevndin mælir til, at kommunan keypir 1673 m2 av matr. nr. 234,frá Hervør Niclasen. Somuleiðis mælir Fíggjarnevndin til, at kommunan selur 549 m2 av matr. nr. 272a til Hervør Niclasen.
Peningurin kr. 79.804 verður at taka av konto 6.22.11, Byggibúning
Bygdaráðið samtykti at fylgja tilmælinum frá Fíggjarnevndini.
Viðv. 8. Umsókn um stuðul til grundøki, bogaskjótifelagið VágaSkot
Tekniska nevnd hevur viðgjørt umsóknina um stuðul til grundøki og hevur viðgjørt málið við atliti til staðseting av høllini, men tekur ikki støðu til møguligan fíggjarligan stuðul.
Víst hevur verið á ymiskar møguleikar m.a. økið við fótbóltsvøllin, men er Tekniska nevnd av teirri áskoðan, at hetta økið ikki er egnað til endamálið.
Víst hevur eisini verið á møguleikan at seta høllina á vinnuøkið hjá Sørvágs kommunu, men er tað fatanin hjá Teknisku nevnd, at hetta bert kann lata gera, um samsvar er millum virksemi í høllini og ásetingarnar í byggisamtyktini.
Í verandi støðu kann Tekniska nevnd ikki ávísa nakað øki til høllina.
Støðutakan viðv. ídnaðarøkinum og umsóknina um peningaligan stuðul eiga at verða viðgjørd í ávikavist Vinnu/ Fíggjarnevndini
Vinnunevndin hevur á fundi 24.mars 2010 viðgjørt umsóknina um stuðul til grundøki frá Bogaskjótifelagnum VágaSkot.
Vinnunevndin er av teirri áskoðan, at virksemið hjá felagnum ikki er sambærligt við tað virksemi økið er ætlað til, og kann tí ikki mæla til, at felagið fær grundøki á vinnuøkiunum hjá Sørvágs kommunu.
Meirlutin í Bygdaráðnum tekur undir við tilmælinum hjá Vinnunevndini
Viðv. 9. Málið tikið av skránni.
Viðv. 10. Skriv frá Agenda 21 bólkinum.
Agenda 21 bólkurin hevur í skrivi 15. mars 2010 víst á fleiri átøk, og heitt verður á Sørvágs kommunu um at fáa hesi tiltøk framd í verki, soleiðis at órudd o.a. sum dálkar umhvørvið, verður beint burtur.
Bygdaráðið samtykti at umsjónin tekur sær av málinum.
Viðv. 11.Umsókn um byggiloyvi til bilhús á matr.nr.117c – Axel Poulsen
Tekniska nevnd mælir til at geva byggiloyvi til bilhús á matr.nr.117c, sambært umsókn dagfest 19.oktober 2009 og tekingar móttiknar 9. mars 2010
Bygdaráðið samtykti at fylgja tilmælinum frá Teknisku nevnd.
Viðv. 12. Umsókn um byggiloyvi til rætt/seyðahús á matr.nr.423a – Sunnari Suðurtriðingur
Tekniska nevnd mælir til at geva byggiloyvi til rætt/ seyðahús samb.umsókn dagf.11.mars 2010 við niðanfyri nevndu treytum:
1. Byggingin kann ikki byrja fyrrenn endalig staðseting er gjørd av Sørvágs kommunu
2. Um bygningurin skal nýtast til annað enn rætt/ seyðahús verður álagt umsøkjaranum at søkja kommununa um loyvi. Her verður hugsa um frárensl o.a.
3. At bygt verður neyvt eftir tekningum móttiknar 11. mars 2010
Mælt verður til at endaligt byggiloyvi ikki verður útskrivað, fyrrenn loyvini frá friðingarmyndugleikunum fyriliggja.
Bygdaráðið samtykti at fylgja tilmælinum frá Teknisku nevnd, tó við tí treyt at, botnurin í rættini skal vera soleiðis, at hvørki skarn ella land fer út úr rættini.
Erik Davidsen luttók ikki í viðgerðini.
Viðv. 13.Umsókn um sundurbýti av matr.nr.234 – Hervør Niclasen
Tekniska nevnd viðmælir umsóknina um sundurbýti av matr.nr.234 í Sørvági.
Bygdaráðið samtykti at fylgja tilmælinum frá Teknisku nevnd.
Viðv. 14. Umsókn um sundurbýti av matr.nr.272a – Sørvágs kommuna
Tekniska nevnd viðmælir umsóknina um sundurbýti av matr.nr.272a – Sørvágs kommuna
Bygdaráðið samtykti at fylgja tilmælinum frá Teknisku nevnd
Viðv. 15. Umsókn um broytan av byggiloyvi á matr.nr.406c – Jógvan A.Petersen
Tekniska nevnd mælir til at loyva broytan av byggiloyvi á matr.nr.406c
Áðrenn byggiloyvið verður útskrivað, skal kommunan hava móttikið
dagførdar tekningar samb.umsókn dagfest 11.mars 2010
Bygdaráðið samtykti at fylgja tilmælinum frá Teknisku nevnd.
Viðv. 16. Umsókn um broytt byggiloyvi til sethús á matr.nr.253f – Barbara/Hugin Skaalum
Tekniska nevnd mælir til at geva byggiloyvi samb.umsókn dagfest 03.02.10, innsendum tekningum og samb. vanligum treytum fyri bygging í Sørvágs kommunu
Bygdaráðið samtykti at fylgja tilmælinum frá Teknisku nevnd.
Viðv. 17. Skriv frá Andrias Berglíð, viðv. vegi oman til sethús á matr.nr. 151a
Málið tikið av skránni
Fundurin lokin kl. 1930
_______________ ___________________
Sune Jacobsen Erik Davidsen
_______________ ____________________
Nansy Selfoss Jákup Suni Lauritsen
_______________ _________________________
Jóhan á Ørg Herálvur Jacobsen
__________________________
Thordis Skaalum