Sørvágs kommuna

Bygdaráðsfundur

26. november 2025

Samandráttur av bygdaráðsfundi.

Bygdaráðsfundur: 26.11.2025 kl.17:00 – kl.18:20

Fundarstaður: Fundarhøli

Hjástødd:

Eyð Ellingsgaard
Jón Joensen
Hans Kári Hansen
Elsebeth Tausen
Helena H.Guttesen
Jóhan á Ørg

Umframt Sunrid Rasmussen, skrivari

Vísandi til grein 18, stk. 2, í løgtingslóg nr. 87 frá 17. mai 2000 um kommunustýri hava Elias Davidsen og Hugin Skaalum boðað frá, at teir ikki kunnu møta á fundinum. Tiltakslimir Elsebeth Tausen fyri Elias Davidsen og Jóhan á Ørg fyri Hugin Skaalum hava fingið fundarboð og játtaðu at møta.

Mál nr. 86/2025

J.nr. 219-83-2025

Fjarlestur í námsfrøði til hjálparfólk í Alvalon

Málslýsing: Fjarlestur í námsfrøði til hjálparfólk í Alvalon.

Tilmæli: 15.10.25: Málið útsett.

Tilmæli: 12.11.25: Trivnaðarnevndin mælir frá at bjóða netútbúgving í námsfrøði til hjálparfólk í kommununi.

Vit meta at slík útbúgving eigur at verða bjóðað út í Føroyum.

Tilmæli 19.11.25: Fíggjarnevndin tekur undir við tilmælinum frá Trivnaðarnevndini.

Avgerð: Bygdaráðið samtykti at fylgja tilmælinum frá Trivnaðar- og Fíggjarnevndini.

Mál nr. 87/2025

J.nr. 323-28-2025

Umsókn um stuðul fyri árið 2025 - Undirhúsið

Málslýsing: Umsókn frá Undirhúsinum um peningaligan stuðul fyri 2025

Søkt verður um stuðul uppá kr. 15.000,00

Tilmæli 12.11.25: : Trivnaðarnevndin mælir til at játta stuðul uppá kr. 15.000,00 til Undirhúsið.

Peningurin verður goldin móti skjalprógvaðum útreiðslum.

Tilmæli 19.11.25: Fíggjarnevndini tekur undir við tilmælinum frá Trivnaðarnevndini.

Avgerð: Bygdaráðið samtykti at fylgja tilmælinum frá Trivnaðar- og Fíggjarnevndini.

Mál nr. 88/2025

J.nr. 219-79-2025

Umsókn um stuðul til “Jól í Bø“ 2025

Málslýsing: Søkt verður um kr. 30.000,00 í stuðli til “ Jól í Bø “ 2025

Tilmæli 12.11.25: Trivnaðarnevndin mælir til at stuðla tiltakið “ Jól í Bø “ við kr. 25.000,00

Stuðulin verður útgoldin móti skjalprógvaðum útreiðslum.

Tilmæli 19.11.25: Fíggjarnevndin tekur undir við tilmælinum frá Trivnaðarnevndini.

Avgerð: Bygdaráðið samtykti at fylgja tilmælinum frá Trivnaðar- og Fíggjarnevndini.

Mál nr. 89/2025

J.nr. 215-6-2021

Leigutraðir á matr. nr. 272a í Sørvági

Málslýsing: Leigutraðir á matr. 272a í Sørvági.

Tilmæli 17.10.25: Tekniska nevnd mælir til, at matr. 272a sum hevur verið útlagt til leigutraðir, verður broytt soleiðis, at ikki ber til at leiga økir á matr. 272a til traðir. Tað er onki í vegin fyri, at lata stykkir til at velta í o.a. eftir ávísing frá kommununi.

Tekniska nevnd mælir til, at matr. 272a sum hevur verið útlagt til leigutraðir, verður broytt soleiðis, at ikki ber til at leiga økir á matr. 272a til traðir. Tað er onki í vegin, at lata stykkir til at velta í o.a. eftir ávísing frá kommununi.

Tilmæli 19.11.25: Fíggjarnevndin tekur undir við tilmælinum frá Tenisku nevnd.

Avgerð: Bygdaráðið samtykti at fylgja tilmælinum hjá Teknisku- og Fíggjarnevndini.

Mál nr . 91/2025

J.nr. 542-108-2025

Søla og byggiloyvi viðv. matr. nr. 119ah í Sørvági

Málslýsing: Umsókn um at keypa og byggiloyvi til sethús á matr. 119ah í Sørvági

Tilmæli frá tekniska leiðaranum:

Tekniski leiðarin mælir til at játta byggiloyvi. Um loyvið verður givið, skal byggjast eftir innsendu tekningum, og viðmerkingum í tilmælinum og annars eftir ásetingunum í BK17 og serstøku byggisamtyktini (B3)

Tilmæli 26.11.25: Tekniska nevnd tekur undir við tilmælinumn frá tekniska leiðaranum um at játta byggiloyvi til sethús á matr. nr. 119ah á Middagsvarða í Sørvági.

Tilmæli 19.11.25: Fíggjarnevndin mælir til at selja matr. nr. 119ah til Jón Edvardsson samb. vanligum treytum.

Avgerð: Bygdaráðið samtykti at fylgja tilmælinum frá Fíggjar- og Teknisku nevnd.

Mál nr. 92/2025

J.nr. 215-23-2025

Íbúðir á matr. 62h í Sørvági

Málslýsing: Íbúðir á matr. 62h í Sørvági

Tilmæli 17.11.25: Tekniska nevnd mælir til, at Sp/f Á Trøðni fær loyvi at ogna sær størri lendi, soleiðis at teir hava møguleika at byggja 7 íbúðir aftrat á matr. 62h

Hesar verða bygdar omanfyri vegin, sum verður gjørdur.

Tilmæli 19.11.25: Fíggjarnevndin tekur undir við tilmælinum frá Teknisku nevnd.

Avgerð: Bygdaráðið samtykti at fylgja tilmælinum frá Teknisku- og Fíggjarnevndini.

Mál nr. 94/2025

J.nr. 547-15-2025

Umsókn um sundurbýti av matr. 422b

Málslýsing: Søkt verður um sundurbýti av matr. 422b til samanlegging við matr. 427a í Sørvági.

Samb. treytað skeyti verður søkt um at 65.935 m2 verða býttir frá matr. 422b Norðurtriðingur, Sunnari partur (Vørufelli) til samanlegging við matr. 427a P/f Vága Floghavn.

Tilmæli 17.11.25: Tekniska nevnd viðmælir umsóknina um sundurbýti av matr. nr. 422b í Sørvági. Samb. treytað skeyti verður søkt um at 65.935 m2 verða býttir frá matr. 422b Norðurtriðingur, Sunnari partur (Vørufelli) til samanlegging við matr. 427a - P/f Vága Floghavn.

Avgerð: Bygdaráðið samtykti at fylgja tilmælinum frá Teknisku nevnd.

Mál nr. 95//2025

J.nr. 548-23-2025

Umsókn um samanlegging av matr. 422i og 422u í Sørvági.

Málslýsing: Umsókn um samanlegging av matr. nr. 422i (1309 m2) og 422u (1002 m2) í Sørvági

Tilmæli 17.11.25: Tekniska nevnd viðmælir umsóknina frá Eur Express um samanlegging av matr. nr. 422i og 422u í Sørvági.

Avgerð: Bygdaráðið samtykti at fylgja tilmælinum frá Teknisku nevnd.

Mál nr. 97/2025

J.nr. 541-90-2025

Bústaðarskylda

Málslýsing: Bústaðarskylda

Fíggjarnevndin mælir til at kommunan ásetur bústaðarskyldu samb. Løgtingslóg nr. 82 frá 2. mai. 2025 um broyting í løgtingslóg um býarskipanir og byggisamtyktir.

Avgerð:Bygdaráðið samtykti at fylgja tilmælinum frá Fíggjarnevndini.