Sørvágs Kommuna fegnast um at nýggi barnagarðurin í Sørvági nú er liðugur og klárur at taka ímóti børnum og starvsfólkum. 

Almenn móttøka verður mánadagin 1. desember frá kl. 15-17, og øll eru hjartaliga vælkomin.  Kommunan bjóðar kaffi og køku.

Arbeiðið við útbyggingini av barnagarðinum byrjaði á heysti 2024, og nú eru hølini klár at taka í nýtslu. Talan er um ein nútímans og stásiligan stovn, har dentur er lagdur á trivnað, námsfrøðiliga menning og góðar arbeiðsumstøður hjá starvsfólkunum. Í nýggja bygninginum eru tvær barnagarðsstovur og ymisk sansarúm, umframt umsiting, fundarfølir og starvsfólkahølir. Harafturat merkir útbyggingin, at tær stovurnar, sum framhaldandi fara at halda til í teimum eldru hølunum, nú fáa betur karmar til børnini, nakað sum bæði styrkir trivnaðin og dagliga virksemið.

Sørvágs Kommuna gleðist um at vit nú hava skapt betri karmar fyri bæði starvsfólkini á stovninum og børnini í kommununi.